Толкін і Беларусь – лекцыя Андрэя Строцава ў Рызе

​Перакладчык і ілюстратар Андрэй Строцаў запрашае на лекцыю "Толкін і Беларусь"! Як сапраўдныя археолагі, мы раскапаем пяць розных узроўняў сувязі брытанскага пісьменьніка з беларускай культурай. Чым глыбей — тым цікавей!

​Лекцыя ў такім фармаце адбудзецца ўжо ў пяты раз — раней гэта была анлайн-сустрэча з беларускай супольнасьцю Нідэрландаў, а таксама дзьве жывыя сустрэчы ў Вільні і адна ў Варшаве. Як заўсёды, выступ будзе структураваны вакол пяці розных узроўняў сувязі творчасьці Толкіна і беларускай культуры. Самы глыбокі ўзровень — самы цікавы. Кожны раз інфармацыя ў лекцыі абнаўляецца і ўдакладняецца.

​19 красавіка, 16:00

​Рыга, Grēcinieku iela 24-1, Кавярня Музея моды

Уваход вольны; донаты лектару вітаюцца; гасцінная кавярня прытуліць нас бясплатна, таму добрай ідэяй будзе ўзяць перад лекцыяй кубачак кавы, дэсерт ці келіх віна ;)