Saint Catherine & Nuweibaa⛵️| tba.eg
فصلان في جبل وبحر (وديان كاترين ونويبع)
يلا نفصل في اجازة الرسمية ل ٦ أكتوبر في سيناء برحلة مختلفة
طبعا فاكرين رحلات كاترين في الشتا بس، لا يا صديقي دا أحلى وقت دلوقتي في الخريف
هنا درجات الحرارة أقل من القاهرة 10 درجات يعني خد معاك شال جاكيت عشان هتبرد 🥶
جاهزين؟ 🔥
مين متحمس لمغامرة Hiking وسط الطبيعة في وديان جميلة وسط شجر الفاكهة وأندر النباتات وفي درجات حرارة أقل من القاهرة 10 درجات في مدينة سانت كاترين وكمان هنروح نويبع نفصل و ننزل البحر للي ملحقش مصيف السنادي
✨ تفاصيل الرحلة:
📆التحرك: يوم الأربعاء 7 أكتوبر الساعة 12 بليل
📆العودة: الأحد 11 أكتوبر (نوصل القاهرة صباحًا).
اليوم الأول: الخميس 7 أكتوبر
▫️ هنتحرك الاربعاء 12 بعد منتصف الليل من قدام المستشفى القبطي
📍هنوصل مدينة سانت كاترين الساعة 7 صباحًا
▫️ هنفطر فطار خفيف ونتكلم عن تاريخ مدينة سانت كاترين شوية والقبائل البدوية الموجودة وظروف الهايكينج.
▫️ نبدأ ننطلق ونحط شنطنا علي الجمال اللي هتسبقنا على مكان المبيت.
▫️هنطلع على بداية الهايك وهنشوف المدينة من فوق ونتحرك بالنزول للوادي.
⚠️ ماتقلقوش هنريح في الطريق كذا مرة نستمتع بجمال الوادي وشلالات المايه (لو لسه موجودة) ونعدي علي جناين حلوة مليانة شجر وطبيعة خيال.
▫️ واحنا في طريقنا نتعرف علي النباتات النادرة وشجر الفاكهة.
▫️هنوصل مكان المبيت هنتعشى بقى ونريح ونلعب ونتفرج على النجوم و السما طول الليل
🔵 تاني يوم الجمعة 8 أكتوبر (يوم الروقان)
▫️الصبح بنصحى بدري الفجر ونفطر وسط الوادي ونتحرك للرجوع عودة للمدينة ومكان إقامتنا
▫️واحنا في الرجوع هنعدى على مشغل لستات بدوية تقدروا تشوفوا شغلهم وتشتروا هدايا وعسل جبلي
▫️بنوصل فندق استضافة دير سانت كاترين للتسكين
▫️ الساعة ٥ ونص هنتمشى شوية نشوف مقام النبي هارون ونرجع لمكان إقامتنا تاني
▫️نتعشى في الدير ونلعب ونقضى وقت جميل مع بعض وبليل
🔵 تالت يوم السبت 10 أكتوبر
▫️نصحى نفطر في مكان الإقامة.
▫️نبدأ نجهز لزيارة " دير سانت كاترين " هنعرف مين هي سانت كاترين وايه علاقتها بالمدينة دي وهنعرف حاجات عن الدير اللي يعتبر أقدم وأهم دير في العالم ورمز دينياً وتاريخياً كبيراً يجمع بين الديانات السماوية الثلاث.
▫️ هنزور " متحف دير سانت كاترين" اللي يضم مجموعة من أقدم وأندر الأيقونات الدينية في العالم وفيها كمان العهدة المحمدية لدير سانت كاترين اللي أهداها سيدنا محمد رسول الله لرهبان دير سانت كاترين اللي تضمن حمايتهم.
▫️هنشوف الشجرة اللي انارات لسيدنا موسى والكنيسة دير سانت كاترين.
▫️بعدها نجهز شنطتنا للإنطلاق لـ نويبع 🥳
هيتم التسكين في غرف قدامنا البحر يوم هناك رايق نقعد قدام البحر و ننزل نعوم ونقعد سوا
▫️ بعدها نتعشى في الكامب ونرجع نقعد سوا
🔵 رابع يوم الأحد 11 أكتوبر
فطار في الكامب ونجهز لمغادرة سيناء الجميلة و الرجوع للقاهرة
💵تكلفة الرحلة:
8800 جنيه
⚠️ Discount خاص لاول تلاتة Early Birds 🕊️
ادخل و الحق الخصم!
✨ البادجت دي بتكون شاملة :
✅الإقامة
( أول يوم في وادي وسط الطبيعة وفي غرفة بدوية للبنات وغرفة للولاد وتقدر تجيب خيمتك معاك لو تحب أوsleeping bag.. )
⚠️ "النوم في غرف بدائية جدا "
تاني يوم في فندق استضافة دير سانت كاترين (غرف تريبل ورباعي).
ثالث يوم: الإقامة في كامب “بركة” الغرف علي البحر مباشرة (غرف دابل)
✅ 4 وجبات فطار + 3 عشاء .
✅جايد خلال الهايك + تكلفة الجمال+ الطباخين. 🐪
✅ باص مكيف من و الى القاهرة
✅ باص مكيف من سانت كاترين إلى نويبع
✅ إنتقالات داخل مدينة سانت كاترين
✅ تصاريح + تذاكر
⚠️ مستوى الهايك: متوسط. ومستوى لمحبي الكامبنج والمغامرة 💪🏻
🔵 اللي محتاج تاخده معاك:
🔔جاكيت وشال
🔔Sleeping Bag أو خيمة لو عندك.
🔔 شطافة أو لزوم تلبيه نداء الطبيعة fresh buzz
🔔شنطة صغيرة فيها سناكس وحاجاتك الشخصية.
🔔مرونة وطاقة للمغامرة! 💪الرحلة عاوزة ناس بتحب الhiking والفرهدة
🔔 ملابس للبحر (مايوة) وجزمة بحر
عدد المغامرين محدود! 🙌
جاهزين؟! 🌟