乘AI浪潮，佈局財富新局 — AI投資 x ETF配置分享會

​用 AI 打造你的專屬資產配置：拆解普通人如何運用 AI，實踐高資產客戶的財富管理思維

​你係咪都聽過身邊朋友講「AI概念股」、「AI ETF」，但一直唔知道應該點揀，甚至擔心自己一入場就買貴、買錯？

​睇住AI呢個浪潮愈嚟愈大，想參與呢個趨勢，但又怕單一股票波動太大？其實除咗「買邊隻股票」，另一個更值得諗嘅問題係：AI時代之下，我哋應該點樣重新做好自己嘅財富配置？

​以前喺銀行做財富管理，高資產淨值客戶背後往往有專業團隊幫佢哋分析風險、制定資產配置、建立投資組合，再因應人生目標持續調整。但去到今日，AI正慢慢改變呢件事——一般投資者有冇可能利用AI，自己做到一套接近高資產淨值客戶先享受到嘅財富管理體驗？

​今次我哋就同南方東英（CSOP）攜手合作，舉辦一場實體社群分享會，一齊探討：AI × ETF × 財富管理，普通人可以點樣建立屬於自己嘅投資系統。

​分享會分成兩個重要部分👇🏻

​CSOP 分銷銷售聯席董事李溢琳, 銷售及市場營銷部副總裁張健朗，會由專業ETF角度，現場拆解AI相關ETF嘅底層邏輯——由指數追蹤、成分股篩選，到費用同流動性，帶大家真正理解「揀ETF」同「揀個股」背後嘅分別。

​Hang過去曾於銀行為高資產淨值客戶提供財富管理服務，持有CFA專業資格，亦曾參與管理近億港元資產。今次會由財富管理角度出發，分享一般投資者可以點樣利用AI，將以前高資產淨值客戶先享受到嘅資產配置思維，逐步變成自己都可以做到嘅一套方法——由了解財務狀況、設定人生目標，到風險分析、資產配置，再到建立及持續檢視投資組合。

​投資唔應該只係「買邊隻股票會升」，而係點樣透過一套有系統嘅方法，將今日嘅資產一步一步帶去你真正想達成嘅人生目標。

​🔥 重點內容
・AI主題ETF應該點揀？拆解「真AI」同「AI概念」背後嘅分別
・高資產淨值客戶做財富管理，真正重視嘅係咩？
・一般投資者點樣利用AI輔助自己做風險分析及資產配置
・點樣由「人生目標」倒推自己需要嘅投資回報同配置方式
・建立一套屬於自己、可以持續檢視同調整嘅財富管理系統
・現場Q&A，即時解答大家對AI、ETF同財富配置嘅疑問

​🎁 現場福利
・每位參加者可享免費一杯啤酒🍻 （或其他非酒精飲料）🥤
・活動結束後，全部參加者可獲發換領券，免費換領聲波震動牙刷（建議零售價$599，顏色隨機）！！

​投資嘅目的，從來唔係為咗買中最多升幅嘅股票。真正重要嘅係——點樣令你今日擁有嘅資產，幫你一步一步行近自己想要嘅人生。