Gervigreind og nýsköpun, vinnustofa KPMG, Iceland Innovation Week og Samtaka þekkingarsetra

​Hvernig nýtum við nýsköpun og gervigreind til að bæta stafræna þjónustu?

​Nýheimar Þekkingarsetur býður þér á vinnustofu í samstarfi við KPMG og Iceland Innovation Week 15. október kl. 13-17. í Nýheimum.

​Á vinnustofunni færðu að kynnast raunverulegum leiðum til að nýta gervigreind í daglegu starfi ásamt því hvernig má styrkja og þróa viðskiptaumhverfi með markvissri sölu og markaðssetningu. Í þessum gagnvirku vinnustofum verður áhersla á hagnýtingu gervigreindar, skapandi hugsun og frumkvöðlastarfsemi, til að styrkja samkeppnishæfni, verðmætasköpun og auka sjálfstraust þátttakenda við eigin þróunarverkefni. Einföld ráð um hvernig nýta má takmarkað fjármagn til að hámarka árangur, þar á meðal með notkun aðgengilegra gervigreindartóla til að spara tíma og auka skilvirkni.

​Vinnustofan er ókeypis og opin öllum en skráning er nauðsynleg.

​Samtök þekkingasetra fengu úthlutaðan Lóustyrk í vor úr Menningar- nýsköpunar og háskólaráðuneytinu til þess að fjármagna vinnustofur til eflingar nýsköpunar og stafrænnar hæfni á landsbyggðinni.