Lullie ✨ | Երգում ենք ավանդական օրորներ
Ավանդական օրորը ծնողի և մանկան միջև կապի առաջին լեզուներից է։ Այն ոչ միայն հանգստացնում է փոքրիկին, այլև սերունդներից սերունդ փոխանցում է մեր լեզուն, ինքնությունն ու արժեքները՝ երեխայի մեջ ձևավորելով բարի, արարող ու խիզախ մարդ լինելու առաջին հիմքերը։
Lullie ✨ նախաձեռնության 4-րդ ամսական հանդիպումն առաջին անգամ անցկացնելու ենք ոչ թե առցանց, այլ կողք-կողքի։ Հավաքվելու ենք երգելու և միասին բացահայտելու հայկական ավանդական օրորների գեղեցկությունը։
Միջոցառումը նախատեսված է երեխա ունենալ պատրաստվող զույգերի, ապագա ծնողների և 0–2 տարեկան փոքրիկների ծնողների համար։ Միևնույն ժամանակ, խրախուսում ենք ձեզ հետ բերել մեկին, ում հետ կուզենայիք կիսել այս պահը՝ զուգընկերոջը, քրոջը կամ եղբորը, տատիկ-պապիկներից մեկին կամ ընկերոջը։ 🌾
Հանդիպումը կվարեն՝
երաժշտագետ, ֆոլկլորագետ, բանահավաք Մարգարիտ Սարգսյանը
երաժշտագետ, ֆոլկլորագետ, բանահավաք, արվեստագիտության թեկնածու Անի Հակոբյանը
Այս անգամ մեզ իր ջերմ տարածքում կհյուրընկալի Wellnest Yerevan-ը, որը կդառնա մեր փոքրիկ ու ապահով բույնը՝ այս հանդիպումը միասին վայելելու համար։
Ու եթե ձեր փոքրիկն արդեն եկել է այս աշխարհ, նրան էլ անպայման բերեք ձեզ հետ։ 🤍
📅 Օգոստոսի 31, երկուշաբթի
🕡 18։30
📍Wellnest Yerevan, Ազատության պողոտա 1/21
Մասնակցությունն անվճար է, սակայն կարող ենք հյուրընկալել միայն 20 մասնակցի, ուստի անհրաժեշտ է նախապես գրանցվել:
Միջոցառմանը մասնակցելու համար երգել իմանալը ընդհանրապես պարտադիր չէ։ Ավանդական օրորները բոլորի՜սն են, և դրանք կարող է երգել մեզանից յուրաքանչյուրը՝ անկախ ձայնային տվյալներից։
Սիրով սպասում ենք ձեզ։ 🤍
Lullie ✨