Lecture After Dark - 當生活無「油」可「加」：以拉岡精神分析直視迷惘與焦慮
放咗工，想飲杯嘢，又想長知識？Why not both?
Lecture After Dark將外國流行的酒吧講座文化帶到香港，希望參加者能夠在輕鬆的環境學習新知識。
題目：當生活無「油」可「加」：以拉岡精神分析直視迷惘與焦慮
講者: Marco Mak
PsyCode Studio 創辦人，英國艾塞克斯大學（University of Essex）政治學系博士研究生，研究興趣為政治精神分析（拉岡學派取向）及批判理論。曾任香港理工大學專業及持續教育學院社會學與性別研究客席講師。
活動內容:
如果你正拒絕公式化嘅正能量，不甘於逃避式嘅無知，清醒知道自己身處龐大嘅煉獄之中，卻同時經歷緊迷惘、焦慮，甚至反覆嘅憎恨——PsyCode 邀請你參加今次嘅酒局。我哋將會透過拉岡（Jacques Lacan）嘅精神分析，一齊去確立呢個人間地獄，並探討如何喺地獄中修練，而不至被業火吞噬。
今次嘅酒局有別於以往嘅 workshop，唔會採取由上而下嘅 lecture 形式。今次我哋嘅角色係 facilitator，會運用精神分析嘅技巧——「自由聯想訪談法」（Free Association），facilitate大家集體釋放 unconscious（無意識）嘅內容。我哋會喺唔同嘅問題上，俾大家互相探索彼此嘅精神世界，一同直面大家嘅「地獄」。透過呢項技術，我哋希望今次酒局能夠喺混亂、無序，以及對深淵嘅探索之中展開。 我哋嘅探索會圍繞着以下三個範圍：
當「社會」變成一個唔可靠、生活混亂嘅阿媽，我哋點樣搵出路？ 社會體制就好似一個我哋永遠撇唔甩、但明知已經唔可靠嘅「阿媽」。作為仔女，我哋可能想自力更新，可能想糾正佢，甚至想逃離佢。但無論如何，呢個唔可靠嘅阿媽總會喺現實中一再出現，令我哋感到無力、焦慮、憤怒，最終被呢啲情感業火燃燒。面對呢個困境，我哋應該如何是好？拉岡嘅精神分析又可以提供咩技術，俾我哋去應付呢段關係？
如何避免成為被「叛逆」吞噬嘅孩子？ 我哋往往以為「反抗」就等於重獲自由，但叛逆嘅代價，隨時可能係失去真正嘅自由。拉岡嘅精神分析提醒我哋，對抗嘅姿態有機會令我哋跌入無意識嘅循環，最終被反抗本身所吞噬。如果係咁，我哋身處嘅地獄會否早已超越意識層面，直達無意識嘅深淵？喺嗰度，會唔會有一個比地獄更地獄嘅境地正等待緊我哋？
點解我哋要拒絕廉價嘅「療癒」，選擇喺「地獄」中修練？ 坊間嘅大眾心理學同身心靈（New Age）論述，長期引導我哋去「治療」、「療癒」同「整合」自己。但拉岡嘅精神分析帶領我哋走上一條截然不同嘅路：從根本上拒絕虛假嘅圓滿。我哋到底要點樣去確立、並直面現實嘅「地獄」，然後喺業火中鍛鍊自己，而唔係被幻象所麻醉？
Agenda:
8:00 PM - Entry and order drinks
8:15 PM - Lecture begins
9:00 PM - Q&A
9:15 PM - Socializing and wrapping up
Price:
HK$150/人 (包一杯酒精/非酒精飲品）