Револучејн
Здружението Тренд Технологии од Прилеп организира блокчејн самит „Револучејн“ - еднодневен настан посветен на блокчејн технологијата, нејзината примена во јавниот и во приватниот сектор и на поврзувањето на домашната технолошка и стартап заедница.
Настанот ќе се одржи на 24 Октомври во CoworkingSpacePrilep со почеток од 09 часот.
На настанот ќе говорат професионалци од областа на блокчејн технологијата и од областа на вештачката интелигенција, а централен дел од програмата е хакатон на кој тимовите ќе развиваат решенија за теми од секојдневниот општествен живот, од јавниот и од приватниот (бизнис) сектор.
Програма на настанот:
Едукативен дел за блокчејн – предавања и излагања од професионалци од областа на блокчејн технологијата и вештачката интелигенција.
Хакатон – тимска работа на решенија за теми од секојдневниот општествен живот, од јавниот и од приватниот (бизнис) сектор.
Презентација на идеите и решенијата од хакатонот, презентација на веќе имплементирани производи кои ја користат блокчејн технологијата и панел дискусија.
Промоција и презентација на Зефир Ангели, како и на можностите за вложување во стартап сцената преку нив.
Коктел забава и вмрежување на учесниците, говорниците, инвеститорите и партнерите.
Поддршката на хакатонот е од Avalanche team1.
Дополнително: Победникот на хакатонот ќе добие поддршка во менторирање и подготовка од Zephyr Ангели за пич и презентација пред инвеститори за добивање средства според евалуација и целосна имплементација на својата идеја.
Останатите учесници ќе имаат можност самостојно да се пријавуваат за пич и презентација.
Средствата ќе бидат исплатени во денарска противвредност.
Пријава за Хакатон делот е најдоцна до 23.10.2026г. до 18ч. и истото може да го направите на следниов линк:
Open Google Form
Официјални канали:
1. Дискорд: Join Discord Server
2. Телеграм: https://t.me/trendtehnologii